Hargeysa(Xogsoormedia.com):–Guddida bilicda Hargeysa iyo maamulka dawladda hoose ee Hargeysa ayaa wada jir ugu dhawaaqay in mar kale la kala bedelay haadadka Waddooyinka halbawlaha ah ee Hargeysa.
Jidka mashquulka badan ee Madaxtooyada hor mara ayaa hore u ahaa hal haad oo dhinaca Galbeed Baabuurtu u socoto, waxaana haatan loo bedelay hal Haad oo u socda dhinaca Bari ama dhanka suuqa Hargeysa.
Waxaa sidoo kale la bedelay Jidka kale ee isna halbawlaha ah kaasi oo mara xagga dambe ee Dhakhtarka weyn ee Hargeysa waxaanu hore baabuurtu u mari jirtay dhinaca bari ama marka ay Suuqa ku socdaan, halka hadda laga bilaabo ay u socon doonaan dhinaca Galbeed ama baabuurta suuqa ka baxday ay mari doonto.
Hannaankan dib mar labaad wax ka bedelka loogu sameeyay waddo marista gaadiidka Caasimada Hargeysa ayaa waxay meesha ka saaraysaa hannaankii hore uu u soo saaray Wasiirka Arrimaha Gudaha Somaliland Cali Warancadde.
Xogsoormedia.com
Hargeisa Somaliland