Hargeysa(Xogsoormedia.com):- Madaxweynaha Somaliland Axmed Maxamed Maxamuud Siilaanyo.ayaa la filayaa in uu maanta socdaal Cibaado ugu kicitimo Xaramka barakaysan oo uu ku cimraysan doono kuna sugnaan doono inta ka hadhay bisha barakaysan ee Ramadaan.
Socdaalka cibaadaysiga ah ee Madaxweyne Siilaanyo maanta ugu baxayo dhulka barakaysan ee Maka iyo Madiina ee dalka Sucuudiga,ayaa ku soo beegmaya xilli dalka uu ka jiro muran siyaasadeed oo ka taagan goorta ay Somaliland ka qabsoomayaan doorashooyinka Madaxtooyada iyo Wakiiladu taasoo ay asxaabta Mucaaridka iyo Xukuumadda iyo Xisbigeeda KULMIYE isku maandhaafsan yihiin muddo kordhinta Guurtidu samaysay iyo heshiiskii Mucaaridka iyo Xukuumaddu wada gaadheen oo Mucaaridku ku eedeeyeen in ay Xukuumaddu ka baxday heshiiskii.
waxaa kale oo dalka dhawaan ka dhoofay oo dibada qabtay Guddoomiyaha Guurtida oo muranka siyaasadeed ee dalka ka aloosan qayb ka mid ahi golihiisa oo fasax ku maqan ay qusayso,
Xogsoormedia.com
Hargeysa Somaliland
abafgaab@hotmail.com