DAWO: GAROON CUSUB OO KA DUWAN KUWII HORE OO LAGA FURAY XAAFADA MASALAHA EE DEGMADA AXMED DHAGAX IYO KHUDBADIHII MADASHA LAGA JEEDIYEY

0
394

“Garoonkan Cusub “Friend Ship” Maaha uun Kubada Cagta in lagu ciyaarayo, laakiin waxaanu ugu talo-galnay in orodada oo waliba dadka waa-weyn ee aan iyagu kubadda ciyaari Karin inay ku jimicsadaan” Mulkiilaha Garoonkan casriga ah “Friend Ship” Cabdiraxmaan Yuusuf Cali

Hargeysa, Somaliland – Agaasimaha Guud ee Wasaaradda Dhalinyarada iyo Ciyaaraha Somaliland Maxamed Xuseen Dhabeeye ayaa shalay galab xadhiga ka  jaray dhismaha garoonka Casriga ah oo la yidhaahdo “Friend Ship” oo la dhisay xaafada Masalaaha ee Degmada Axmed Dhagax ee Magaalada Hargeysa.

Munaasibadii Xadhig ka jarida ayaa wax aka soo galay Agaasimaha guud ee Wasaaradda Dhalinyarada Ciyaaraha Maxamed Xuseen dhabeeye, Siyaasiga Cabdilaahi Cabdi Xaaji Cumar (Cabdilaahi Jawaan), Agaasimaha Waaxda Ciyaaraha Maxamed Nuux, Guddoomiyaha Xidhiidhka Kubada Cagta Gacal Axmed Khayre, Guddoomiyaha Olympic-ada Somaliland Xasan Waraabe Cade iyo marti sharaf kale.

Cabdiraxmaan-Faro

Mulkiilaha Garoonkan casriga ah “Friend Ship” Cabdiraxmaan Yuusuf Cali ayaa waxa uu ku sheegay inuu yahay mid casri ah oo loo qalabeeyay, waxaanu xusay in aan garoonkan lagu ciyaari doonin kubada Cagta, hasayeeshe ay u sameeyeen qeybo kale, waxaanu yidhi “Waxaan dhamaantiin-ba idiinka mahad celinayaa sida quruxda badan ee aad uga soo qaybgasheen dhismaha Garoonkan cusub oo aynu maanta xadhiga ka jarayno.Runtii waxaan halkan uga mahad-celinayaa Xasan Waraabe-cade oo naga caawiyay qalabaynta garoonka, waxaanu noqonayaa mid u furan dhamaanba dadka reer Somaliland.”

Isaga oo hadalkiisa sii watana waxa uu yidhi “Maaha uun kubada Cagta in lagu ciyaarayo, laakiin waxa aanu ugu talo-galnay in orodada oo waliba dadka waa-weyn ee aan iyagu kubadda ciyaari Karin inay ku jimicsadaan, sidoo kale marka la gaadho wakhtiyada Salaada wax kasta oo ka socdaa way istaagayaan iyada oo aanu kooxahana u balan-qaadayno in marka ay soo Tukadaan wakhti dheeraad ah la siin doono”

xxxxxxxxxxx

Agaasimaha Waaxda Ciyaaraha ee Wasaarada dhalinyarada Ciyaaraha Somaliland oo isna halkaasi ka hadlay ayaa amaanay garoonkan iyo qaabka loo dhisay “Waxa aan ku amaanayaa maamulka Garoonkan qaabka quruxda badan ee loo dhisay, waxaanu ka mid noqon doonaa garoomada u fududeeyo dhalinyarada reer Somaliland in ay ciyaaraan kubada.

Waxa aan halkan fariin u marinayaa dhamaanba goleyaasha deegaanka ee dalka oo dhan in ay ku dedaalaan sidii ay xil isaga saari lahaayeen garoomada iyo danta guud, waayo dhalinyarada reer Somaliland ayaa u baahan” ayuu yidhi.

Xasan-Waraaba-cade

Guddoomiyaha Oloympicada qaranka Md. Xasan Waraabe Cade oo isna halkaasi ka hadlay ayaa sheegay in garoonkani uu wax badan ka tari doono ciyaaraha kala duwan ee Magaaladda Hargeysa iyo waliba xaafada uu ku yaalo.

Waxa uu ku amaanay maamulka garoonkaasi xilka balaadhan ee ay iska saareen in ay da’ yarta u sameeyaan garoonkan “Waxa aan aad ugu amaanayaa Cabdiraxmaan ku amaanayaa dedaalka badan ee uu la yimid, waxaanu dhisay garoon aad u qurux badan oo ay ka faa’iidaysan doonaan dhalinyarada Xaafadani.Sidoo kale wasaaradda dhalinyarada iyo ciyaaraha Somaliland oo iyaduna u fududaysay dhalinyarada in ay helaan  garoomo casri ah iyo wasaarada maaliyada oo cashuur dhaaf samaysay ayaan iyagana jecelahay in aan halkan uga mahad celiyo” ayuu yidhi.

Guddoomiyaha Xidhiidhka kubada cagta Somaliland Gacal Axmed Khayre oo isna halkaasi kalmado kooban ka soo jeediyay ayaa yidhi “Waxa aan aad ula dhacay garoonkan cusub, waxaanu noqonayaa mid bog cusub u furi doonaa ciyaaraha Somaliland.Runtii aad baa loogu baahnaa garoonkan iyo kuwa kale ee soo socda, waxaanse kula dardaarmayaa maamulka garoonkan in ay dhalinyarada qiime aan eryayn ugu ogolaadaan in ay ku ciyaari karaan” ayuu yidhi.

jawaan

Siyaasiga Cabdilaahi Cabdi Xaaji Cumar (Jawaan) oo ka mid ahaa masuuliyiintii halkaasi ka hadashay ayaa soo dhaweeyay dhismaha garoonkan cusub ee laga dhisay xaafada Masalaha ee Magaaladda Hargeysa. “Waxa aan aad ugu faraxsanahay in la igu soo marti qaado dhismaha garoonkan cusub, waxaanu noqonayaa mid wax badan ka tara ciyaaraha.Maanta waxa ay ku beegan tahay Maalintii ay Magaaladda Hargeysa ee Caasimada Somaliland 150 Sano jirsatay, waxaana la dhisay oo 1865, waxa aynu u baahanahay in ay Magaalada u qabano hadii alle idmo sanad guuro si loo ogaado taariikhdeeda” ayuu yidhi.

Waxa kale oo uu ku baaqay in ay dhalinyarada Magaaladda Hargeysa is dhex gasho oo ay iska daayaan qabyaalada “Waxa loo baahan yahay in ay dhallinyarada Magaaladda Hargeysa is dhex gasho oo inan ka yimaada Xaafada Maxamuud Haybe uu ku ciyaaro garoonkan, ka ka taga Axmed Dhagaxna uu ku soo ciyaaro Maxamuud Haybe” ayuu yidhi.

cccc

Gebogebadiina Agaasimaha Guud Ee Wasaaradda Dhalinyarada iyo Ciyaaraha Somaliland Maxamed Xuseen Dhabeeye oo halkaasi ka hadlay ayaa yidhi “Waxa aan soo dhaweynayaa garoonkan cusub, waxaanu noqon doonaa mid waxtar u yeesha dhalinyarada Reer Somaliland meel kasta oo ay joogaan.Runtii dhalinyarada waxa aan ugu baaqayaa in ay ka dheeraadaan qabyaalada oo ah waxa qayrkooda ka reebaysa, waxaanan dhiiri gelinayaa is dhex galka dhallinyarada, aadna waxa aan halkan uga amaanayaa mulkiilaha garoonkan cusub” ayuu yidhi.

Hadaba HALKAN KA DAWO: