Hargeysa, Somaliland – Koob lagu xusayo Marxuum Maxamed Rashiid Muxumed Faarax oo ka dhacay garoonka Gacma Dheere. Koobkan ayaa waxa isku wajahay labada kooxood ee HASS Petroleum iyo Shirkada socdaalka barri iyo galbeed, ciyaartan ayaa waxay ahayd mid kulul oo labada dhinacba soo bandhigeen ciyaar wanaag halkaas oo sacabka labada taageerayaal ee kooxahaasi isku dareen.
Qaybtii hore ee ciyaarta ayaa ku dhamaatay barbar dhac eber iyo eber ah maadama ay labada kooxoodba ku jireen weerar iyo difaac isku dheeli tiran ciyaar wanaagna muujiyeen.
Markii labada kooxood isku soo nasteen ee lagu soo noqday garoonka qaybtii danbe daqiiqadihii u horeeyey ayay kooxda Hass Petroleum heshay goolkeedii u horeeyey taas oo uu u dhaliyey Laacibka Liibaan oo ku magac dheer {Villa}.
waxa labeeyey oo goolkii labaad saxeexay hadana Maxamuud Jacyar oo fogeeyey rajadii barbaraha ama se guusha ee kooxda Shirkada Socdaalka ee barri iyo galbeed. Waxaanay ciyaartu ku soo idlaatay 2 gool iyo eber ay guushu ku raacday Kooxda Hass Petroleum. Ciyaarta waxa soo qabanqaabiyey Musharaxa Golaha Wakiilada ee M/Jeex Axmed Haybe Warsame {Biso} Waxaana Koobkii lagu gudoonsiiyey kooxdii ay guushu raacday ee Hass Petroleum.