DAAWO BILICDA Sawirrada Xaflad Xisbiga WADDANI maanta ku Qaabilay Siyaasiyiin hore uga Tirsanaan jiray Xukuumadda oo ku Biiray

Hargeysa (CH)-Xisbiga Mucaaradka ah ee Waddani, ayaa maanta Munaasibad balaadhan oo soo dhawayn ah u sameeyey masuuliyiin xilal cul culus uga soo qabtay Xukuumada Siilaanyo, Xukuumadii hore ee Daahir Rayaale, Aqoonyahan, Haween, dhalinyaro iyo taageerayaal kale oo miisaan culus ku lahaa xisbiga muxaafadka ah ee KULMIYE oo u diga-rogtay Xisbiga Waddani.

Munaasibaddan oo si heer sare ah loo agaasimay, ayaa ku qabsoontay Hotel-ka Hotel Crown ee magaalada Hargeysa, waxaana siyaasiyiinta loo qabtay ee ku biiray Waddani ka mid ahaa Wasiirradii hore ee Xukuumadda Siilaanyo ugu magacownaa Wasaaradaha Warfaafinta Boobe Yuusuf Ducaale, Caafimaadka Xuseen-xoog, Arrimaha Gudaha Maxamed Nuur Carraale (Duur) Badhasaabkii hore ee Gobolka Maroodijeex Axmed Cumar Xaaji Cabdilaahi (Xamarje) iyo Agaasimihii Guud ee hore ee Wasaaaradda Dib-u-dejinta Axmed Cilmi Yare iyo masuuliyiin kale.

HALKAN HOOSE KA DAAWO SAWIRRADA