Burco (CH)- Shil-baabuur oo sababay dhaawacyada Konton Qof, ayaa maanta ka dhacay duleedka Magaalada Burco ee Xarunta gobolka Togdheer, ka dib markii gaadhigii ay saarnaayeen nooca Waraadka loo yaqaano kula dhacay Jidka Woqooyi ka soo gala magaalada.
Dhammaan dadka ku dhaawacmay shilkan oo ay ku jiraan qaar xaaladdooda caafimaad liiidato, ayaa la geeyey cusbitaalka Guud ee magaalada, halkaas oo baxnaaninayo caafimaadkooda, mana jiraan ilaa immika cid geeriyootay dhaawacyada shilkani sababay.
Gaadhiga Shilka sababay, ayaa la sheegay inuu ka tagay Tuulada Gidheys oo ku taala Woqooyiga magaalada Burco, waxa kale oo ku dhintay tobanaan neef oo xoolo ah oo gaadhiga saarnaa, halka hanta kale oo saarnayd oo isugu jiray Oonta Xoolaha, Caano iyo Agab kale ay halkaas ku burbureen.
HALKAN KA DAAWO
Burco News Desk
contact@codkahargeysa.com