Monaco (CH)- Waxa hadda lagu dhawaaqay Isku-aadka Groups-ka ee tartanka Kooxaha Horyaallada Qaaradda Yurub (Champions League) oo xafladda lagaga dhawaaqay hadda ka socoto magaalada Monaco ee dalka Faransiiska.
32-ka Kooxood ee tartanka Champions League Xilli-ciyaareedka 2014/2015 waxa ku cusub kooxo yar-yar oo aan hore uga qayb-qaadan tartanka iyo qaar mar kale ku soo laabtay sida Liverpool.
Wax badan kama duwan qaabka isku-aadkii sannadki hore, iyada siddeedda Group ee 32 kooxood loo qaybiyey ay hoggaaminayaan kooxihii sannadkii hore, waxaana xusid mudan in Siddeedda Group intooda badani ay u dejisan yihiin qaabkii sannadkii 2013-kii isla markaana ay mar kale isku beegmeen ama ay Isku-group kuwada jiraan, sida kooxaha Machester City iyo Bayer Munich, Borussia Dormund iyo Arsenal, Barcelona iyo PSG.
Dhinaca kale, Group-ka ugu Adag ee loo aqoonsaday inuu yahay GROUP OF DEATH , ayaa ah Group-ka E oo ay ku wada-jiraan Kooxaha Bayern Munich, Manchester City, CSKA Moscow iyo Roma.