Muuse Biixi oo Shirka Golaha Wasiirrada ee maanta lagaga saxeexay Heshiis u muuqday in aanu Raalli ka ahayn
Hargeysa (CH)- Madaxweyne Siilaanyo, ayaa shirkii Golaha Wasiirrada ee maanta ku marti-qaaday Guddoomiyaha Xisbiga Kulmiye, waxaana shirkaas oo u muuqday mid siyaasadaysan oo lagu soo dabay Muuse Biixi laga shaaciyey heshiis is-laab xaadhasho ah oo dhexmaray garabyada khilaafku hadheeyey ee Xisbiga Kulmiye.
Kulanka maanta madaxtooyada ku dhexmaray hoggaanka Kulmiye iyo garabka xisbiga ee Xukuumadda, waxa goob-joog ka ahaa madaxweynaha Somaliland Md Axmed Maxamed Maxamuud (Siilaanyo), Madaxweyne ku-xigeenka Cabdiraxmaan Saylici iyo dhammaan golaha Wasiirrada, waxaana dhinaca goob-joog ka ahaa ahaa guddoomiye Muuse Biixi Cabdi.
DHEGAYSO CODKA
CODKAHARGEYSA.COM