Hargeysa (CodkaHargeysa)- Xoghayaha Dawladda Hoose ee Caasimadda Hargeysa ayaa Soo qaban-qaabiyey kulan Casho sharafta ah oo kulmisay ergooyinka Beelweynta Habar-yoonis ee Hargeysa u yimi ka qayb galkii shirweynaha Xisbiga Kulmiye.
Qaar kamid ah hogaanka Xisbiga Kulmiye ee beesha Wasiiro Ka tirsan Xukumadda Xildhibaano Magac iyo maamus Ku Leh Wakiilada Salaadiin Ehlu sharaf iyo madax dhaqameed si weyn loo tix geliyo ayaa Habeen kii xalay ku kulmay Casho sharaftani oo ka qabsoontay Hotel MAANSOOR Ee Magaalada Hargeysa.
Isbarasho kaftan Wadaag iyo hadalo gacaltooyo Ka dib waxa ugu horaynba halkaasi ka hadlay Xoghayaha Dawladda Hoose Ee Hargeysa Mawliid Weris Cabdulaahi oo dhankiisa Soo Dhoweeyay ergadda beesha shirweynaha Xisbiga talada dalka Haya uga soo kicitintay Gobolada cidhif ilaa cidhif .
Xildhibaan Saleeban Cawed Ali Bukhaari oo isaguna halkaasi ka hadlay ayaa dhankiisa Ergadi beesha ee shirweynaha ku amaanay sida hufnaanta iyo isqabqabsi la’aanta ah ee ay ugu qaybgaleen shirkii xisbiga waxana uu ku gubaabiyay in mar walba ay sidaasi umuujiyaan midaysnaantooda iyo mabda isu keenay Ee taageeridda Xisbiga Taladda haya ee Kulmiye.
Wasiirka Xanaanadda Xolaha Dr Abdi Awdaahir, Wasiir kuxigeenka Caafimaadka Nimco Xuseen Qawdhan, Wasiir kii hore ee Kalumaysiga Geeljire iyo Masuuliyiin kale oo halkaasi ka hadashay ayaa iyaguna dhankooda xoghayaha Dawladda Hoose ee Hargeysa ku aamanay soo dhoweynta iyo kulankan isbarashada ah ee uu sameeyay Ergada iyo madaxda Beelweynta Habaryoonis iyagoona si isku mid ah carabka ugu adkeeyay muhiimada isku duubnidda beesha,
Xubno kamid ah ergooyinkii Shirweynaha Kulmiye ka qayb galay ee beesha oo iyaguna halkaasi ka hadlay ayaa ka mahdadoobay soo dhoweynta aan loo kala hadhin ee madaxdoodu ku qaabishay,
Sikastaba ha ahaate Munaasibadani Casho sharafta ah oo ahayd mid hanaankeeda dhicitaan si quruxbadan looga soo shaqeeyay ayna ka dhex muuqdeen inbadan oo kamid ah Mudanka dalka ee Beesha Habaryonis ayaa kusoo gabagabowday Jawi Dareen Farxadeed Xambaarsan.
CodkaHargeysa.com
info@codkahargeysa.com