Maansadan magaceedu yahay “Siilaanyo dhiib” waxa aan u tiriyay baroor-diiqda Wargeyskii Hubaal oo sannad ka hor lagula kacay isku day oo xagga Alle ka baaqday. Jawaabta xukuumaddu waxa ay noqotay xadhigga HUBAAL, sii deyntii eedaysanaha, iska hor keenka shacabka Hargeysa.
Waa dhacdo yaab lahayd! Waa astaan dulmi, maanta oo ay taariikhdu tahay 24kii, April 2014ka waxa aan caddaynayaa in aan si toos ah ugu biirayo siyaasadda si aan erey iyo addinba wax uga qaban karo dulmiga dalka ka jira.. Si ku-meelgaadhna waxa aan u hakinayaa naanaystii Hargeysaawi ee la ii yaqaannay. Ma sheegan karo Hargeysa, kumana faani karo in aan Hargeysa ku dhashay inta ay caasimadda ka dhacayaan falalka noocan ahi…
Waa kuwan saddaradii maansadu, waxa ay soo baxday saacad ka hor:
Anoo sebi ahaa
Dhaaxaan sawaxan
Dhegta saaqi jiray
“Wuu dhacay Siyaad
Siilaanyo dhalay
Sida dhibica roob
Soo dhigay Isaaq”
Saynle heesaynnee
Safaad daawadow
Saaka baaqu waa
Gu’ siddeentan baad
Subaxdani jirtoo
Safiirkii Cirriyo
Sareeduu Jamaal
Sanqadh baan maqloo
Sahan noo arkee
Siilaanyo dhiib
Rashiidow sinnaan
Somaliland
Sinnaan ugu adeeg
Same Xaashi iyo
Suryo-diid ha jiro
Siilaanyo dhiib
Waa bishaad sahwiga
Cabdigii sigtee
Sintuu kaaga jabay
Sanniftee abaal
Seef ku dhaawacdee
Siilaanyo dhiib
Waa bishaad sahwiga
Sur Caloolay keen
Sabaalaynaysee
Sannad-guuro wacan
Siilaanyo dhiib
Soljaay ogow
Waa bishaad sahwiga
Santaaggii Xirsiga
Nadra saamaxaad
Safis aan sugnayn
Sii-ay-dhii fartee
Siilaanyo dhiib
SOLJAAY ogow
Saynlow gobtii
Saraar waad xidhoo
Suubbaihii GARADAG
Silic baad baddoo
UDUB suuliyii
MAANDEEQ siree
DAWAN saarayow
Siilaanyo dhiib
SOLJOOW ah tebi!
Saynlow gobtii
XAQSOOR seef an geyin
Ku surgoysay waran
Sool lagu didshoo
Sallaxley shan mayl
Kuma sacabbisee
Siibatoo qaddee
Siilaanyo dhiib
SOLJOOW ah tebi!
Saynlow gobtii
So’ Gebiley kabo
Salaan kuu qiroo
Isa-seejintii
Seemaal mirtoo
Saluug beertay culus
Saymo baaqeyahaw
Siilaanyo dhiib
SOLJOOW ah tebi!
Sawlow gob-aas
Sayid iyo HORYAAL
Neceb Seylacow
Talo saydhisee
Faysal soomisee
Sawir-muujiyaa
Kol ma saamacnee
Sax ma tihid malaha
Maxaa kaa silloon
Saanta waan arkee
Sidee bay waxyiin
Siilaanyo dhiib
SOLJOOW ah tebi!
Saynlow gob-aas
Saransareeyihii
“Saa” ma yeelannayiyo
“Saadambaad wax garan”
Saaryada qabiil
Rayaalii sudhee
Beeleyn sidkow
Saldhiggaagi noqoy
Sarakicidda layl
San lagaa qabsado
UFTA samirka daran
SULUB wuxu ku yidhi
“Imaad saamixine
Saydaanka naar!
Safxadaha kitaab
Saani maad u dhugan
Akhri suuradaa”
Siilaanyo dhiib
SOLJOOW ah tebi!
Saynlow gob-aas
HUBAAL waa sannaadh
Suuggu aanu karin
HAATUF waa sawaxan
Saska-beerihii
Runta saafayoo
UNIVERSAL seben
Seeto waan ka furi
GEESKU waa saf nool
Sadar aan demayn
Siilaanyo dhiib
SOLJOOW ah tebi!
Saynlow gob-aas
HORN CABLE sawd
Kol sabbaaxad qudha
Sibiq maaha wiil
Lagu sahayan karo
Sunuud iyo OGAAL
Sun ma quudatoo
Sarrif lama gadee
FOORow sawaxan
SAXANSAXO war sii
USJ sifee
Siilaanyo dhiib
SOLJOOW ah tebi!
Saynlow gob-aas
Jannaalow surmiye
HADHWANAAG ma solo
OODWEYNE suul
TOG ma saari karo
Lama seexsho QARAN
Sees aftahanews
HIMILADA sedka ah
Sekadaha JAMHUUR
Ma sal-guurayaan
YOOL waa sifaa
Sawrac aayatiin
Summaddii caqliga
Siilaanyo dhiib
SOLJOOW ah tebi!
Sumeeyii CALOW
SSC berkado
Suus loogu daray
Kuma suurayaan
Saakadii shirkaba
TALEEX saanad culus
Sarreeyihiyo gaas
Kuma sahamminine
Suuree wax jira
Sahankii maxaa
“Sinniqsada” ku yidhi
Siilaanyo dhiib
SOLJOOW ah tebi!
Saadaashu waa cadliga
Cadligoo saldhiga
Sabo maamul iyo
Seeraha qasriga
SAAXIL oo mar kale
Dulmi siririsoo
Sida aan rabana
UDUB saanyatoo
Suldaan iga dhigtoo
Safka Agabareed
Salli ay dhigeen
Sanaag loola kaco
SANDULLO xil mudan
Sooryo looga dhigo
Saami DAAKIR helo
XAABSADE an sahal
Suudhki QEYBE lumin
Sin wakiilku yahay
SALEEBAAN u dira
Sinnaantuu FUAAD
Suuqyada Hargeys
DARWIISH sooggan yahay
Adoon siinnin miid
Summad weeye qaran
Suugaan inkier
Safar aanu garan
SOMALI PEN
Ku sulaaqayow
Siqitaanki XAMAR
Kii socdaalayow
Saxeexii axdiga
Sikinkii liqdee
Siilaanyo dhiib
SOLJOOW ah tebi!
Imaam Siciid Maxamuud Gahayr
Facebook: Saeed Mohamoud Gahair
