Taleex(TN)-Afhayeen u hadlay ciidamada milleteriga somaliland Korneyl Cismaan Cabdillaahi Saciid ayaa goor dhoweyd u sheegay BBC in ciidamada somaliland -siduu hadalka u dhigay- gaadheen maanta duhurkii magaalada Taleex.
Waxaa uu sheegay inay degaankaas uu ka tirsan yahay xuduuda Somaliland.
Afhayeenku wuxuu sheegay in haatan magaalada ay la wareegeen ciidamada somaliland oo si buuxda gacanta ay ugu hayaan hadda.
Warar kale oo dadka deegaanka aan ka helnay ayaa sheegaya in ciidamada Somaliland oo fara badan oo wata ilaa boqol gaadhi ay gaadheen degmadaasi.
Waxaa horey halkaas ugu sugnaa ciidammo ka tirsan kooxda Khaatumo.
Lama sheegin ilaa hadda khasaare dhacay iyadoo warark qaar sheegayaan in ciidammada Khaatumo taabacsani ka baxeen Taleex .
Taleex waxay 180km ka xigtaa bari mgaalada laasacaanood, waana markii ugu horreysay ee Somaliland gaadho Taleex .